22 траўня суд у Наваполацку прыняў рашэнне аб умоўна-датэрміновым вызваленні з месцаў абмежаваньня волі палітыка Паўла Севярынца. Ён выйшаў з так званай "хіміі" (вёска Малое Сітна Полацкага раёна) з фармулёўкай "за прыкладныя паводзіны".

П.Севярынец заявіў "Товарищу", што нечаканае рашэньне суда можа быць звязанае з ціскам Еўразвязу на беларускія ўлады. Нагадаем, што вызваленне палітвязняў ёсць адна з умоў захавання гандлёвых прэферэнцый для Беларусі.

П.Севярынец падкрэсліў, што збіраецца адразу ўключыцца ў палітычную і грамадскую працу. 23 траўня ў 11.00 на сядзібе Партыі БНФ П.Севярынец мае намер правесці прэс-канфэрэнцыю, прысвечаную яго вызваленню.

У жніўні 2005 года Севярынец быў асуджаны на два гады абмежаваньня волі за арганізацыю вулічных дэманстрацый пратэсту супраць фальсыфікацыі вынікаў выбараў і рэфэрэндуму 2004 году.